Artie dantza taldea

Folklore jaialdia. Abenduak 4

2011-11-28T08:16:00.001+01:00

Ikasturte hasiera

2011-11-03T08:41:00.000+01:00

ARTIE EGUNA

2011-07-21T21:48:00.001+02:00

Azken urteotan bezala, Artie dantza taldeak "Artie eguna" ospatuko du aurten ere.

Jaialdia Uztailaren 29an (barikua) izango da.

Arratsaldeko 19:00tan dantza ekitaldia egongo da herriko frontoian Artie dantza taldea eta Argentinar dantza talde baten eskutik.
Ostean, afari herrikoia (izena aldez aurretik eman behar da) eta erromeria.

Animatu eta etorri!!!

Bizkaiko dantzari eguna

2011-05-09T11:42:00.000+02:00

Informazio gehiago hemen

PIN-era irteera

2010-11-26T08:13:00.002+01:00

Artie dantza taldeak, urtero legez, PIN-era irteera antolatu du. Irteera Abenduaren 29an izango da eta autobusez joango gara.

Irteera honetan parte hartu nahi duen dantzariak mesedez lehen bait lehen abisatu diezaiola monitoreren bati edo artiedantzataldea@hotmail.com helbidera mezu bat bidaliz.

Ordutegia eta eraman beharreko gauzak, aurrerago zehaztuko ditugu.

Beste barik,

Artie dantza taldeko monitoreak

Logo berria

2010-11-06T14:39:00.000+01:00

Ikasturte berriarekin batera, Artie dantza taldeak logo berria estreinatzen du.
Espero dugu guztion gustokoa izatea.

Ikasturte berriaren hasiera

2010-10-30T11:14:00.000+02:00

Artie dantza taldeak, Azaroan Ikasturte berria hasiko du.Hau dela eta, lehengo barikuan Azaroak 5, batzar orokor bat egingo dugu.
Batzar honetan, ikasturte osoaren nondik norakoaz hitz egingo da (ekitaldiak, irteerak, ...), baita aurreko urteko balorazioak egin ere.
Dantza taldean, 4 urtetik gorako edozeinek parte har dezake (adin txikikoetan gurasoak gonbidatzen ditugu batzarrera).
Bestalde, bi urte daramatzagu hilabetean behin herritarrentzat ikastaroak ematen (jotak, larrain dantza, banakoa, plazako dantzak, ...). Hauetan ere parte hartu nahi dutenak batzarrera deitzen ditugu.

Beste barik,
Etorriko zaretelakoan,
ARTIE DANTZA TALDEA

Busturialdeko dantzari nagusien eguna

2010-10-20T17:29:00.002+02:00

Azaroaren 13an, Busturialdeko dantzari nagusien eguna ospatuko dugu gure herrian.
Egun honetako ekitaldian, Busturialdeko dantza talde desberdinetako dantzariek hartuko dute parte.

Ekitaldiaren ostean, dantzari guztientzako eta nahi duten herritarrentzako afaria egongo da frontoian eta ostean, erromeria.

Guztiok animatzera eta etortzera animatzen zaituztegu!

San Lorentzo jaiak

2010-08-05T10:26:00.000+02:00

Artie eguna

2010-07-21T08:31:00.002+02:00

Abuztuaren 1ean, Artie eguna eta Gautegiz Arteagako Nazioarteko folklore jaialdia ospatuko dugu.
Aurtengoan, Eslobakiar Errepublikako AYFAS taldearen bisitaz gozatzeko aukera izango dugu.
Dantza ekitaldia, eguerdiko 13:00tan hasiko da herriko frontoian. Bertan, AYFAS taldeak eta ARTIE taldeak parte hartuko dutelarik.
Ostean, bazkari herrikoia izango dugu.

Karmenak 2010

2010-07-21T08:26:00.000+02:00

Igandean, Uztailak 18, Karmenak ospatu genituen Zendokiz auzoan.

Azken urteotan bezala, Artie dantza taldea, sukalki txapelketara aurkeztu zen eta aurtengoan txapeldunak izan gara!!

Asturiasen egonaldia

2010-04-20T10:02:00.000+02:00

Apirilaren 16-18 astebururako, Londresera irteera prestatua geneukan dantza taldeko nagusienak, baina, Islandiako sumendia dela eta ezin izan gara joan. Hala ere, Asturiasera joan gara eta Somao izeneko herritxo batetan egon gara.

Lurraskan egonaldia

2010-03-05T10:30:00.000+01:00

Asteburuan Lurraskan egon gara.
Izugarri ondo pasatu dugu. Zaldian montatu gara, erroskilak, ogia, ...

Polikarpo Deunaren jaiak

2010-01-25T15:58:00.002+01:00

Urtarrilaren 26an Polikarpo Deunaren jaiak ospatzen dira gure herrian eta hori dela eta, hainbat ekintza antolatu dira egunean bertan zein inguruko egunetan.

Egitaraua hurrengo kartelean ikus daiteke.
Aipatzekoa da, bazkarira etorri nahi duenak, Urtarrilaren 27a baino lehen izena eman behar duela.

2009-12-23T09:44:00.002+01:00

Dantza Ikastaroa

2009-11-10T10:10:00.001+01:00

Aurten ere dantza ikastaroarekin jarraituko du.
Lehenengo entsaioa, Azaroaren 20an izango da 21:00tan Aretxederreta kultur etxean eta gero hilabete guztietako lehen barikuetan izango dira entsaioak.
Ikastaroko parte hartzaileen zerrenda itxia izango da eta lehengo egunean itxiko da, beraz, egun honetan danok etortzea eskertuko genuke, baita ahal izanez gero eguna baino lehenago posta elektronikora mezu bat bidaltzea ere.
Eskerrik asko!
.

Busturialdeko dantzari nagusien eguna

2009-11-05T14:07:00.002+01:00

Datorren Azaroaren 14an (iluntzean) Busturialdeko dantzari nagusien eguna ospatuko da Forun.
Bertan, Busturialdeko dantza talde desberinek parte hartuko dugu.

Kurtso hasierako batzar orokorra

2009-11-03T09:28:00.000+01:00

Azaroaren 6an kurtso hasierako batzar orokorra egingo dugu 20:00tan Aretxederreta kultur etxean.
Batzar honetara etortzeko dantza taldean parte hartu nahi duzuen guztioi (4-5 urtetik gora) gonbidapena luzatzen dizuegu.